زْيارا أَنا وِالْبَيْتْ

حبيب يونس

زْيارا أَنا وِالْبَيْتْ

ما ضَلْ في شِبّاكْ

إِلّا وْسَأَلْني عَنَّك… وْشو باكْ

يا بَيْت بابو مْسَكَّر وْمَهْجور

شو الْخَلّاكْ

كِلْما مْرَقِتْ قِدّامَك

وْكِلْما بِبالي مْرَقْت، 

غِصّ وْقول: ما أَحْلاكْ

بَعْدَكْ مَحَلَّكْ خاطرَكْ مَكْسورْ

ما فيك وِجّ بْيِضْحَك، نْ مَرّا ضِحِكْ،

غَيْرْ أَزْرَق الْمَنْجورْ

وِالْعِشْب عَ دْراجَكْ حَزين وْأَصْفَر تْرَجّاكْ

تِرْجَعْ مِتِلْما كِنْت طِفْل وْتِلْعَبو

وِرْتاح عَ ضَهْرَكْ 

تْشَلْقَحْ يا سَطِحْ عالي 

شْتَلَقْ عَ لِعْبِتُنْ… وِضْحاكْ

مَنْديل سِتّي حِضْن ما بْيِنْساكْ  

طَرْبوش جِدّي مْن الشَّمِسْ خَبّاكْ

وِخْيال باقي مْن الْعَريشي الْيابسي غَطّاكْ.

بَعْرِفْ الغابو وَجَّعوكْ

غْيابُنْ ما كان بْخاطِرُنْ تَ يِتْركوكْ

مَشّي مَعي، وْلَوْ كِنْت حارسْ مَطْرَحُنْ،

نِعْمِلُّن زْيارا أَنا وِيّاكْ

حبيب يونس

5 – 5 – 2020