رئيس التحرير: إخلاص فرنسيس 
الملتقى
غرفة ١٩ إخلاص فرنسيس
ماجدة الرومي تحيي الليلة الثالثة مهرجان “الغناء بالفصحى” بالرياض
إطلالة السيدة ماجدة الرومي في الليلة الثالثة من مهرجان “الغناء بالفصحى” بخطوات واثقة كما عودتنا دائما رافعة أسم لبنان أينما حلّت، تألقت بالصوت والحضور والكلمة الافتتاحية التي وجهتها للحضور والسعودية وحيت وزير الثقافة سمو الأمير بدر على هذه الخطوات الجبارة لمستقبل المملكة السعودية
وكان لتجاوب الجمهور الكبير دليل على أننا الان نحن في أمس الحاجة لهذا النوعية من الفن الراقي في خضم ما تعانيه المنطقة من تشرذم ووجع
كلمة السيدة ماجدة
مسا الخير .. مسا السعودية الغالية ع قلوبنا ، مسا أرض الطيبة ، مسا شعبها الحبيب ، وقيادتها الشريفة ، مسا هالبلد الأصيل يلّي لمّا خصّوا ربنا بعطايا عظيمة فتح بوابو للدنيا ليشرب كل عطشان من نبع هالأرض المبارك ، نحنا اللبنانية منعرف قيمة هالبلد الحبيب ونحنا بنكّن له التقدير اللي بيستحقوا ، والإحترام اللي بيستحقوا ، وبالوفا منخبر السعودية بالقلب متل شرايين القلب ، هيدا اللي بيليق فيها أكيد بس هيدا بيليق فينا نحنا كمان ، مسا الخير اصدقائي جميعاً الرسميين ، أهل وأصحاب ، اشتقت ارجع أغني معكن ، بصراحة هي السهرة فاجئتني كتير ، انا ما كنت بتصور بعد في حداً بالعالم العربي ممكن يفكر يعمل ليالي للقصايد المغناة بالفصحى ، تحية من القلب لمعالي وزير الثقافة سمو الأمير بدر على هالخطوة الرائعة ، أكيد واضح من ورا خطوته شو تطلعات السعودية للمستقبل ، مش عم بحكي السياسية والاقتصادية بس هالخطوات الجبارة لقدام أكيد بتعود ثقافة وفنون جميلة مرفوعة على أعلى منارة ، هيدا اللي بيليق بدول بدّا تخطي خطوات عملاقة لقدام ، وأنا من نص قلبي بحيّيه ، أصدقائي حفلة اليوم ما فيها ولا اغنية باللبنانية هيك طلب مني ، هي مجموعة قصايد بالفصحى عملتن على مدى سنين طويلة ، المشارك بهالليلة أساتذة بالموسيقى كبار ، من السعودية نفسها ، من لبنان ، من مصر ، وأمنيتي أنّو هالليلة تلاقي كل الصدى الطيّب عندكن وبتشكر حضوركن من نص قلبي ويديم عزكن وبلدكن متل ما عرفناه دايماً وللأبد برعاية ربّه .. حُر سيّد مُستقل
