أغنية “ما بعرف”/ د. منى رفيق بولس/ لبنان

ما بعرف ليش قلبي اختارك
ما بعرف ليش حظّي إبكي
بغنّيلك .. بكتب أشعارك
برجع وحدي إسهر .. إشكي
إيديّي صوبك علَّيتن
نادوك وما ناديتن
غنّوك وما غنَّيتن
بيظهر حظّي كلّو عندك
إسهر وحدي إبكي وإشكي
الدَّرب اللي فيها لاقيتك
صعبة دراجا .. صعبة كتير
ناداني صوتك حبَّيتك
وصار الصَّوت بقلبي كبير
شو ذنبي إذا صوتك فيّي
نادى الدَّمعة اللي بعينيّي
بيظهر حظّي كِلّو عندك
إسهر وحدي إبكي وإشكي
كِلّ البيحبوا بيشتاقوا
إيدن تعرف محبس خطبي
وأحلامن إنّن يتلاقوا
بقَطف الفرحة حبّة وحبّة
وحدي اللي ما بقدر إحلم
حبَّك خلّاني إتألَّم
بيظهر حظّي كِلّو عندك
إسهر وحدي إبكي وإشكي