رئيس التحرير: إخلاص فرنسيس 
الملتقى
إشارات
عشان مذاكرتى للكتابة
تجيب نتيجة كويسة جدا
بكمل عليها بتدريبات الطاقة
اللى بتعتمد على لقطالإشارات
وتنشيط الشبكة باستمرار
عشان ما تقعش إشارة كتابة مفروض متعديهاش
وتستنتج بدالها ف الخروشة كلمة مفترضة
تغير مسار الموضوع
المهم
تدريبات لقط الإشارة مهم
من أول مجى اليمام
واطمئنانه ف المكان ،
ورسايله اللى بيبعتها كل يوم
والكروان
اللى ما بيجيش غير لما بكون نفسى أكتب عنى
لوحدى
لغاية أغنية “بانو”وقدرة “سعاد حسنى “المخيفة على التعبير بعنيها
واحساسها الموجع بإن مالهاش تمن .
أول ما تتجمع الـ 3 إشارات
ح أبعتهم لل3 حتت اللى بتوجعنى ف روحى
و للـ 3 أشخاص المرتبطة بيهم
وأمسك كل 3 من دول وأعمل عليهم خطط كتير
لفتح التكثيف وربطه
بالتراث الدينى
والعاطفى
والجنسى
وأهدى إيقاع موضوع الكتابة
عشانما يستنفذش طاقتى كلها مرةواحدة
وأفضل
لا نوم
ولا أحلام
ولا كتابة
ولا أى حاجة حقيقية غير
إنتظارك للإشارة اللى ح تصدر مني
بالعفو
