رئيس التحرير: إخلاص فرنسيس 
الملتقى
ابراهيم شحرور
إجا وقت التّار
” سنتَيْن صرْلي … ما كنِت إركَع
والموت جاري … والبحر جاري
والنّار عم تاكل مِنِ حْجاري
مِدري حبوب القمح عم تولَع
مدري بِ قلبي والعَه ناري
سنتَيْن صرلي بسمَع وْبقْشَع
وْيمرُق عَ راسي بايع وْشاري
ويْن اللي قالو : الفجر رح يطلَع
وين العدالِه ؟ وين بِيطاري ؟
وين اللي قاطِش دَيْنتو … يسمَع
هلْ كان داري وْقال : مش داري
ما زال هَيْك وْهيْك رح أُوقَع
لازم يِجي بُكرا عَ كعبي يْنام
وْأوقَع عَ راسو … وْآخد بْ تاري”
