مي سمعان
قلبو عسل دمّو عسل ظلّو عسلْ
توفيق هاك الطير سافر عا عجلْ
هونيك ع بيدر حنانك والحنين
رح تبدر الاحلام وتسنبل املْْ
رح تسال الايام عن هاك البطلْ
هللي زرع بقلوبنا احلى متل
عن شاعر الكلمة الشقيي الوالعة
عن مارد المسرح وعن كرة حجلْ
ببكيك ؟ شو ببكيك ببكي هل مضى
وكيف اختفى من بينا وج الرضى
كيف انكسر هالغصن والعمر انقضى
وشو بخاف انو بغيبتك يطغى الملل
صلّيت مسبحة الوفا وكنت الصّفا
كنت الصداقة والمحبة والشِفا
كيف انقطف هالورد عن خد العفا
وتفرفطو الحبات وال عتم انسدل
في ٢٠٢٣/٦/٦
غرفة 19
- جماليات التلقي في بناء المعنى داخل النص المسرحي
- الدراجة…الدولاب الأول نحو الحرية/”الزمن الجميل”…هل كان جميلا حقا؟ (19)
- تتويج ملكة جمال المكسيك فاطمة بوش على عرش جمال الكون لعام 2025
- كلُّ ما أكرهه في فيروز وأعشقه في صباح
- تشريحٌ أنثروبولوجيٌّ لأغنية Like a Prayer التي هزّت عروش الثّقافة
- كل نسيان الكون لا يكفيك
