( سجن البلابل ))

ساعة بحياة البلبل اتفكرت
لو عاش وحده وبلقفص منسجن

لا صاحب المره وكسر وحشته
لاناغى عشگ امناطره عله الغصن

ربعه اويه طرت الفير غنو عشگ
وهوه ابغربته ايغني طور الحزن

لا جنحه عله ودار فوگ النخل
ويرجع لعشه شما اگليبه يحن

ولگيت روحي اشبه حياته لأن
مسجون بديار الغرب ممتحن

لو مر عليه غروب بيه اختنگ
واستاحش ابليل الغرب من يجِن

افزع واحط اثيابي وسط الجنط
ويقرع جرس للشوگ بيّه ويرن

وتخابر امي اتگول بالك ترد
(يمنه الرياح اتسير عكس السفن)

الدم ييمه طافح بكل كتر
كل ساعه ثكله امن الحزن تنسحن

خلك سجين بديرتك والقفص
يمنه المصايد خاتله بكل ركن