رئيس التحرير: إخلاص فرنسيس 
الملتقى
ألان جرجورة
صدرك كفوفي لْ بِلبِسُن بالرِّيح
وبيطلعو الصَّابيع عَا قَدُّنْ
بْ دَفِّي فِيُنْ تِمّي وْإدَيّي منيح
برجع محلّن بالدّفا بْ رِدُّنْ
تَ يْدَوِّرُنْ رمل البحر بالصيف
وِيْلَوِّحُنْ حبر الشّمس تِمْشِيح
صدرِك إزا تْزَيْبَقْ: عَ نَفْس الزِّيح
صدرك تْنَينْ، نْ هَزْهَزو: مْراجيح
بيمرجحوني متل ما بدّن
صدرك إلي بْ فصل الشّتي، وبالجرد
وبالصَّيف بِيبَطِّل إلي
وكلما عَ بالي دوق مِنّو بعد
بِيعَلّي بعد
مدري أنا بشوفو عِلِي؟
بِشْحَد عَ بابْ الغَيم نِتْفِةْ رَعِد
شويّة شتي، شوّية برِد
وبمِدّ دَيّي شْويّ
نَكوِز بِ لِغْيوم
تا خَزِّقن، ينزل شويّة مَيّ
مع كَمْشِةْ هْموم
وْشُوفِي إدَيِّي الدَّنَّقُو شوفي
فِكّي زْرَار الصَّيفْ نِتْفِه خْطَيْ
جايي عَ بالي إِلْبُس كْفوفي
- خريف آخر” لمحمود شقير
- الجنون من يدري على مسافة لحظة لحظتين/ مجنون العلم
- الدكتور إدريس هاني: ثورة في إدارة العقل وتدبير المنهج.
- “ذهان” تطبيقات الذكاء الاصطناعي !b”جنون” الذكاء الاصطناعي AI Psychosis
- أَعطِنا يا ربّ أَن نستاهلَها/ هنري زغيب
- الزمن الجميل”…هل كان جميلا حقًا؟ (6) الإذاعة… حين كان الصوت منبع الخيال
