عم يكترو ديي – زينب حمادة

عم يكترو ديي
عم حب آخد
قد ما بيستاهلو
النسوان لِ فيي
وصاير ضميري قزاز
وشو بحس..
دغري يبيّن عليّي
وبصير شحّل ناس
ما بتنعاز
كلما يضيقو شوي
عينيّي
علّمتني هالدني :
الشخص اللي بتحبّو
قدّم إلو كل الدني
تا تخسرو
وقعود ابكي خيبتك وحدك
وقدّام المراية
اضربو
وسبّو
رجاع اغمرو
وخبيه جواتك
متل الجرح ضبّو
علّمتني هالدني :
الشخص اللي بيحبك
ما بتحبو
ت يضل حدّك
عنّفو
واقسيه
بيتذكرك
تتجاهلو
وتنسيه
واصلاً شو يعني؟
يضحك بعبّو
ان فكرت نتفة فيه
كل يوم ذلّو وعوّفو ربّو