رئيس التحرير: إخلاص فرنسيس 
الملتقى
قناديل نحنا بهالمدى قناديل
إيد السّما زرعت بنورا حروفها
وتركت مصيرا معمشق بهالليل
تا الليل يعرف قيمتو لمعروفها
ياما بهاك العتم ضوّا يميل
يوجّ .. يتعب .. ينحل .. ويمشي
وياما الهوا جنّ وترك الفتيل
أسود .. معتّم .. داكن برَمشي
يا ريت يا قنديل عمرك نهر
يدفق حلا وأنغام ومواويل
وتبقى معلّق عا جبين الدّهر
لوحة ضيا ونجمة صلا وترتيل
لو كنت يا قنديل مش عارف
بالدّور والقيمة وحلا المشوار
فكّر شويّ شويّ يا صارف
زيتات عمرك عا شفا المهوار
القنديل دورو كبير يا إنسان
روحو هتاف النّور بالأكوان
عا مفارق الطرقات عالي كتير
وحامل بقلبو رسالة التّفكير
ودمعات زيتو بترسم الإيمان
