رئيس التحرير: إخلاص فرنسيس 
الملتقى
دابِت عَ صدري بـْ غَنجِتا… وقالت:
ضَو الصبح طالِل عْلينا رْقيق
وآخِر نجوم الليل سِهرانِه
مَمنوع حَدّي تفيق
نْ ما كِنت سِكرانِه…
…
مَمنوع حدّي تفيق
إلّا إزا سايَرتني بـْ كاسَين
شو بيقهَر الكاس لْ مَ عِندو رْفيق
وشو بيدنَقو القلبَين…
اشرَبلَك شِ كاس… اتنَين
كِرمال يشهَق جَو سَهرتنا
والله لَولا شربت… سَفرِتنا
بتِسوا دموع العَين
اشرَبلَك شِ كاس… اتنَين…
…
ورَقصِت عَ زندي بـْ طِيبِتا…
ومالِت…
…
…
غَنّجتها بـ حْلاوِة عيوني
وَشوَشتها: قومي يا مَجنونِه
انْسِيلي الكاس ورَهجِة السّكرَه
ودوبي مَعي تَا تِحرُز الغَمرَه
لازِم بَقا تنَيناتنا عالرّيق
نبَنِّج صَريخ عيوننا بـ سَفرَه
