رئيس التحرير: إخلاص فرنسيس 
الملتقى
يا عاشقه لبنانْ وِجْبالو :
صوتِكْ مَرق عَ الحبّ غَنّالو
وْصَوتِك مَرق عَ الدَيرْ صَلّالو
وْعَم تمسحي جْروحو بِشاش العَينْ
وِبْتنزَل الدَمعَه تنَين تْنَينْ
عَ خْدودِك الحلوين كرمالو !
لا تزعلي
من جَهلة الكلماتْ ،
لْ فيها بشاعه كْتيرْ
مش محرزه تْردّي عَ هَ التعتيرْ !
كلماتهُن غبرة السجّاداتْ ،
وْصَوتِك سقي مَيّ الصبح لِلبيرْ !
يا عاشقه لبنانْ ،
عَ بالو :
وَرد الهَنا لا يْطيرْ مَنديلو
وْوِجّ الشمع وجّك مقابيلو
وشفافِك قْناديل موّالو
صوتِك ضوي المَدبَح تراتيلو
لبنان عم يشتاق عَ حالو :
فيكي تغنّيلو ؟!
” الصوره وقت تكريمي من وزارة الثقافه بطرابلس “
