عامر عامر
بعرف بنت حُبّا يِبِس فِيّي
يا ريت بِ تجيبا معك خضرا
عامر عامر
مِن قبل ما يوصل لَ عِنّا الوقت
و من قبل ما تِتكي الشمس ع بلادنا
كان الصبح عتمة و سكت
و ع المدرسة بالليل راحوا ولادنا
ما عاد رِجعوا ولادنا
وينك يا هالجايي
من خلف الحكايه
لو جيت من أرض الوقت ع بلادنا
جبلي معك ساعات
نسمة هوا لَ ينطفوا الشمعات
و غيمة شِتي لَ رمادنا
مِنّك شِتي.. و مِنّا بِكي و دمعات
نْضيّع فِيُن دمعاتنا
وينك يا هالجايي
من خلف الحكايه
لو جيت من ارض الضحك ع بلادنا
مطرح ما لون الليل أبيض كان
و حامل معك ألوان
عتمة الدني جواتنا
جبلي معك شنطة مَلانة سنان
و رِشّ الضحك بيناتنا
لو جيت من ارض الهوا ع بلادنا
إمشي ورا جبيني اللي دايب ع الرمل
طيّر معك خيباتنا
نسكر طريق خطوط عملوها النمل
منحط أصبعنا سوا تنيناتنا
وينك يا هالجايي
من خلف الحكايه
لو جيت من ارض العِشب ع بلادنا
بِ بلادنا شويّة سما و صحرا
بعرف بنت حُبّا يِبِس فِيّي
يا ريت بِ تجيبا معك خضرا
جيبا و إذا سألان ع الفَيّي
مطرح ما كِنت بكيت في شجره
