يا روح (لهجة عراقية)

ذر الشاوي

يا روح چم دوب الوكت
خُـوّانه آه وونّـه
ورضينه وياه نصطلح
وظل وحده لمزاعلنه
ما لاحنا غير التعب
يفارگنه ويعود النـه
…..
ياروح كافي معاتت ويا
الروج مو بسچ عاد
لا طير رف جناحه لا
نسمة تهب من بغداد
تلمنا گلب يحضن گلب
وعشرة عمر ملح وزاد
ونريد گربك يا وطن
وبيدك نحط الحنة
……..
لهناك ياخذنا الوكت
للعشگ وبساتينه
والشوگ عينه بلا كحل
بملگاك كحل عينه
نحبك ومو لازمنه طب
تجرحنا واتداوينا
انته الهوى وانته الدوا
وانت العمر وسنينه
وحدك تره لمن نجي
شبگاتك بلا مِنّـه
……
ذر الشاوي