إبراهيم شحرور

خرفان ؟
ما بعرف إذا خرفان
أو ساكن بْ راسي
حدا تاني
من يوم مَ تْعرّفْت عَ النسيان
مش قادر النسيان
ينساني
مرّه فرِحْت
وْراحت الضحكِه
وْمَ عْرِفْت
وين بتروح من دوني
وْمرّه زعِلْت
وجيت تا إبكي
ونْسِيت حُطّ دْموع
بعْيوني
نْسيت لْ بيحبّوني
وشو مَ يْصير
لا بدّ ما شي يوم
ينسوني
شو بْخاف ينسوني
بخاف كْتير
وْأكتَر
إذا بْيِنْسو … يحبّوني

غرفة 19

• 
  يل نايم بعدك… لا تنام -مي سمعان
• 
  صِرْتِي مَرَا عَ السَّكِتْ
• 
  خِيَّالِ الْهَوَا
• 
  آخر ثَانْيه بِ العمر
• 
  لمّا يعتَقْ لون الحب