رئيس التحرير: إخلاص فرنسيس 
الملتقى
والتلج اولج من قلوب معتمي
وما عاد بدو يدوب مهما تدللو
صار ل جليد وللصخور بينتمي
لا نهر عم ينده ولا دَيني الو
ولما يجي كانون بدو يرتمي
نفناف ومنتّف و بالمنظر حلو
منقول شو مجدول! صورة ملهمي
الارض مبيضّة والجلال مكملو
وتخطر ببال الشعر ينصب محكمي
مين هالكانون فينا موكلو؟
بيطل ايامو حزيني و مظلمي
والشرد قصّفنا وما فينا نحملو
بعلمي حنانك ع الخليقة منسمي
ليش تلجاتك علينا تمرجلو ؟!
وانت يا قلبي، يا حرفي ومعجمي
لاتكون متل التلج او روح الشلو
ما عاد يلزمني فؤادي الآدمي
صارو الخلايق بالنقاوي يخجلو
ولا تكون بارد متل شتوي صارمي
ولا تعاتب كوانين مهما يعملو
انت الدفا وكانون قلبك مكرمي
سبحان هللي بالمحبي مرسملو .
في ١٧/ك١/ ٢٠٢٤
مي أسد سمعان
