رئيس التحرير: إخلاص فرنسيس 
الملتقى
– شُ بْ تِشْتِغِلْ؟
– “خيّاطْ… وِبْخَيِّطْ حْروفْ
لْ خيطانْ بِيضْ… وْنَوْعُنْ قْوَافِي
بْ لِكُّنْ عَلَى سِنَّارِةْ شْفَافِي
وْبُقْعُدْ بْ خَيِّطْ شِعِرْ… قَرِّبْ شُوفْ
كيفْ القصيده بْ تِنْعِمِلْ…”
.
– وْهَيدِي الْقَصِيده مينْ قَادِرْ يحْرِسَا؟
– “هَيدِي الْقَصِيده وَقِتْ خَلِّصْ خَيِّطَا
بْ حِطَّا عَ رَفّ البال بِ خْزَانِه
وْبُنْطُرْ شِ شَتْوِةْ رُوحْ حِرْزَانِه
الكِذْبِه اللي فِيِّي بْ زَلِّطَا
بْجِيبْ القَصِيدِه وْبِلْبِسِا…”
.
– وْيِمْكِنْ إِذَا لْبِسْتَا وَقِتْ… تعْتَقْ؟!
– “خَمْرِ الْوَقِتْ عَ الشِّعِر لَمَّا يْفُوتْ
بيموتْ تَا تِخْلَقْ قَوَافِي جْدَادْ
بْ يِرْجَعْ يْهَجِّي رَجِعْتُو وْيِنْعَادْ
وْنحنا وَقِتْ مِنْمُوتْ مَا مِنْمُوتْ
نِحْنَا وَقِتْ مِنْمُوتْ عَمْ نِخْلَقْ…
