ختيار

إبراهيم شحرور

ختيار
أي بعرف صرت ختيار
من ضحكتي اللي زغْرِتِ عْليّي
وْما عادتِ جْديدِه
وْصارت إذا وصْلِتْ لَ دينيّي
تاخد بِ دربا ألف تجعيدِه
ختيار
أي بعرف صرت ختيار
وْبستان عكّازات جسمي صار
صدري بيتعكّز عَ تنهيدِه
الكلمات … عَ شْفافي
والهَمّ … عَ كْتافي
والكلّ … عا إيدي
وبْيوقع العكّاز … من إيدي
تعبان من حالي كأنّي صَوْت
قلّو الصدى : ” فزعان يا سِيدي
يطلَع قريب الموت
والمقبره … بْعيدِه