إبراهيم شحرور
شنتة سفَر
“””””””””
بكرا السفَر
عم ضبضب غْراضي
الشنته كبيرِه
وْنُصّها فاضي
إسمي وشجرةْ عيلتي ضَبّيْت
وْقلبي وراسي
وْكلّ أوجاعو
وْضحكةْ ولادي بْشنتتي حطّيْت
تا إطعم عْيوني
إذا جاعو
وْضبّيْت عمري بعد ما عدّيْت
إيّام عمري
لْ بعد ما ضاعو
وْجرّبْت حزني آخدو … وْيا ريت
بْسوق البكي
الأحزان ينباعو
مجبور حزني إتركو بالبيت
ما في وْلا شنته قادرَه تْساعو
الفكر 1 على “شنتة سفَر”