ترك القصيدة وفل

ترك القصيدة وفل
مَسْنودة عالحيطان
أخد الدفا وماضل
غير الحكي بكيان
و تا ريحة تيابو
ما تموت بغيابو
عم اسقي هالخيطان
و عالدفتر الفضي
نام المسا حدي
دمعو عالمخدة
كذاب ما غفيان
كاتبني بالاسود
فوق الندي الابيض
أديشو متعبد
تا خلص القرآن
ترك القصيدة وراح
و الراء زعلانه
ما طالت المفتاح
من فوق الخزانه
تا تلحقو بكير
قبل الجرح مايصير
أصعب من خيانه
راح البحر يا راء
و جراحو ع كتافو
و كلمه انا مشتاق
خرست على شفافو
حبو الي صار فراق
ما حسو ما شافو
صار البحر ذكرى
و الراء منكسرة
و ما أصعبو بكرا
إن خانو هالنسيان