ألان جرجورة
صدرك كفوفي لْ بِلبِسُن بالرِّيح
وبيطلعو الصَّابيع عَا قَدُّنْ
بْ دَفِّي فِيُنْ تِمّي وْإدَيّي منيح
برجع محلّن بالدّفا بْ رِدُّنْ
تَ يْدَوِّرُنْ رمل البحر بالصيف
وِيْلَوِّحُنْ حبر الشّمس تِمْشِيح
صدرِك إزا تْزَيْبَقْ: عَ نَفْس الزِّيح
صدرك تْنَينْ، نْ هَزْهَزو: مْراجيح
بيمرجحوني متل ما بدّن
صدرك إلي بْ فصل الشّتي، وبالجرد
وبالصَّيف بِيبَطِّل إلي
وكلما عَ بالي دوق مِنّو بعد
بِيعَلّي بعد
مدري أنا بشوفو عِلِي؟
بِشْحَد عَ بابْ الغَيم نِتْفِةْ رَعِد
شويّة شتي، شوّية برِد
وبمِدّ دَيّي شْويّ
نَكوِز بِ لِغْيوم
تا خَزِّقن، ينزل شويّة مَيّ
مع كَمْشِةْ هْموم
وْشُوفِي إدَيِّي الدَّنَّقُو شوفي
فِكّي زْرَار الصَّيفْ نِتْفِه خْطَيْ
جايي عَ بالي إِلْبُس كْفوفي
غرفة 19
- سردية الحرب والمكان ..الانهيار القيمي واعتياد الصدمة:
- عماد خالد رحمة: دراسة نقدية موسّعة لقصيدة الشاعرة اللبنانية إخلاص فرنسيس بعنوان «أشجان الخلود»
- “في مهب غبار اللاعقلانية”
- كلاب تقود ثورة طبية: حاسة الشم تفتح آفاقًا جديدة للكشف المبكر عن السرطان
- المبدع والناقد اللبناني الكبير شربل داغر، يفوز بلقب «نوابغ العرب» لعام 2025 عن فئة الأدب والفنون.
- عروس الضوء.. كردستان يوسف
