لمّا يعتَقْ لون الحب

أمل ناصر

لمّا يعتَقْ لون الحب
والحكي بيصير ينعاد
معناها جوّات القلب
بطٌل في دقات جْداد
يمكن صار الوقت نفلْ
ونْضلنا عن بعض بْعاد
لما تروح اللهفة نْهارْ
وتملّ العين وتسرح
ولمّا تنذاع الاسرار
وزَعَلنا ياخد مطرحْ
يمكن هْالحب لِّ كان
سْودّ ولِبِس تْياب حْداد
ويمكن صار الوقت نْفل
ونْضلنا عن بعض بْعاد
كنّا نحكي يوميه
صرنا نحكي كل كم يوم
ولما نعاتب شي شويه
ما منعرف عَ مين اللوم
معقولي كبرنا ع الحب
وبطلنا بالعمر ولاد؟
يمكن صار الوقت نفلْ
ونْضلنا عن بعض بْعاد!