وبعدني شارد ..بلا عنوان

زياد عقيقي

صرلي ع قلبي ما فتِتْ مدّه
زعلان منّي..كتير
صرلي زْمان
برّات حالي ..ما قدِرِت هدّي
شقّيت عا حالي بعتب زعلان
لا لقيت حالي.. ولا قعدت حدّي
ولا في حدا يسأل عهاللي كان
لقيت العتم عا غبرتو..مهدّي
لقيت الصدى معنكب عهالحيطان
وجوّات قلبي كل شي مصدّي
وبيدفتري في زيزقِة قصدان
قفَلتو ورايي الباب
..ما بدّي
وبعدني شارد ..بلا عنوان

• 
  أغنية “ما بعرف”/ د. منى رفيق بولس/ لبنان
• 
  بكتُب إسمَك … يا زياد/ إبراهيم شحرور
• 
  رزق الله