حبيب يونس
صابيعِك
قْوافي قَصيدِةْ جِسْمِك الْمَمْشوقْ
كِلْما بتِقْرا قافيي بِتْدوقْ
طَعْم الشِّعِرْ
مَخْطوف مِنْ مَحْبَرْتَك وْمَسروقْ
تْأَمَّلْ فِيُنْ… بِتْروقْ
بِتْلَبِّسُنْ عينَيْكْ
بِتْحِسّ قِرْبو لَيْكْ
بِتْخاف لَمّا تْوَدِّعُنْ
يِتْفَتَّقو عْراوي التّياب
يِضَلّ في زِرّ… وْنَطَرْ مَحْروقْ
بِتْبَكّلو… بِتْحِسّ
عَمْ بِتْبوسُنْ بْصابيعَك وْبِتْدوقْ
طَعْم الْقَصيدي
وْجِرْح عَيْنَكْ عَ الجِّسِمْ… مَشْقوقْ
حبيب يونس
19 – 11 – 2022
- الألم الذي يسكننا
- ما الذي حدث؟ د. دورين نصر
- لعبة GTA الجديدة مفتاح الرجل الميّت !
- ديوان “أنثى السحَّر” للشاعرة سحر الهنيدي بالمر: قصائد بطعم رائحة الحُبِّ وعبقِ الصيف
- … بل اللبنانيَّةُ عفيفة كرم أَوَّل روائيَّة عربيَّة(الحلقة الأَخيرة: 4 من 4)
- يعيشون مع امواتهم،فلسفة الفناء، وكيف تُعيد قبيلة «التوراجا» صياغة الموت والذاكرة؟
عن المؤلف
