راجع من البُكرا

جرمانوس جرمانوس

راجع من البُكرا
كنت هونيكْ
عم وصّل الفِكرا
وإشنق العتم بْخيط صيحة دِيكْ

راجع كنت عمْ وصّل مْبارحْ
وهونيك لمّا مْسكت بِإيدو
شِفتو ورَا صَوت العمر سارِحْ
والصوت سِكري الدمع عَ نْبيدو

هونيك ْ
مين الما سأل هونيكْ
لمّا نسي ملح الشتي زْياحو
وين العمر عَ مْراوح جْناحو
أحلى اللّي راحو
فَتّحو شْبابيكْ

إيدي مَ إلها بيت تا تِغفى
عيني ما إلها جْناح تا تِقفى
ووقت اللّي بْرشّ فوقي تْرابْ
بْحسّ جسمي صار عم يدفى
ولمّا بشوف جْروح أهلي قْرابْ
بلبس جروح الأهل تا إشفى