لمّن مرق غيم الشتي عالبال
ضبّيت صوتي عن سطوح العيد
قصّبت نايات الغناني سلال
وعفّرت كرمي.. وما بقي عناقيد
لمّن مرق غيم الشتي.. عالبال
وصار الهوا رجّال
شو لفيت عصافير عالقرميد
عصافير أحلامي الما كانو قلال
رجعوا عينيهن بالأرض
ما في معن..تغريد
لمّن مرق غيم الشتي ..عالبال
شعّلت بوجاق الصمت موّال
يابس ع تمّي من زمان بعيد
وربطت عقرب ساعتي بحبال
جايي الشتي
البردات صارو تقال
مديت ع خوابي زماني إيد
وسكبت عمري خْيال
كاس نبيد
غرفة 19
- الكاتب وصدى الكتابة… حين لا يسمع أحد/”الزمن الجميل”… هل كان جميلاً حقًّا؟ (17)
- تراتيل العالم المتخيّل.. أنثروبولوجيا أغنية Imagine لـ”جون لينون”
- الزواج الانشطاري والوضع الاختياري
- في رحاب نص شعري ..
- العمارة والماسونية (تأملات بعد محاضرة الغرفة 19)
- المقامة الحادية والعشرون في مقامات عصر النهضة الجديد.الماسونية الرقمية…السلطة الخفية في زمن الذكاء الاصطناعي
