لمّن مرق غيم الشتي عالبال
ضبّيت صوتي عن سطوح العيد
قصّبت نايات الغناني سلال
وعفّرت كرمي.. وما بقي عناقيد
لمّن مرق غيم الشتي.. عالبال
وصار الهوا رجّال
شو لفيت عصافير عالقرميد
عصافير أحلامي الما كانو قلال
رجعوا عينيهن بالأرض
ما في معن..تغريد
لمّن مرق غيم الشتي ..عالبال
شعّلت بوجاق الصمت موّال
يابس ع تمّي من زمان بعيد
وربطت عقرب ساعتي بحبال
جايي الشتي
البردات صارو تقال
مديت ع خوابي زماني إيد
وسكبت عمري خْيال
كاس نبيد

9

• 
  هي الأمومة! – باسمة حمود
• 
  الحمار الذهبي – لوكيوس أبوليوس
• 
  المقدم يعقوب والأربعون حرامي.
• 
  قراءة نقديّة في كتاب “ظلّ النّعناع” لإخلاص فرنسيس
• 
  غرفة 19 تناقش كتاب الدلالة الثقافية وسيمائية النسق المضمر
• 
  لا أعرف طعم الكرز- هند زيتوني