رئيس التحرير: إخلاص فرنسيس 
الملتقى
ماري القصّيفي
لمّا صبيعَكْ بيفكفكوا الأزرارْ
وإيد تِسْبَق إيدْ
ت توقّعْ الزنّار
بيضلّ عَ الصدر في زرّين
عم يندهوا من شَوقُن العُروة
بَكّل شفافك ع زرّ لَوْنو نارْ
وخلّي التاني ينقهرْ ويغارْ
ويقول ليش اللي متلك
ما إلو تمّين؟
تخيّلْ العمر يمرق هيك
تْفِكْفُكْ وتبكيلْ ليلْ نهارْ
وزرّين متلْ ولْدين عَمْ يتشيطنوا
ويخزّقوا تيابُن ويتراشقوا بحجار
وْبَيْنُنْ إنتْ تتلبّكْ وتحتارْ
وقت الغنج كيف بيجنّوا
ولمّا إنتْ تقسى
كيف بيحنّوا
ومِينْ قالْ دَخْلَكْ هالدني
ما عادْ فيها اسرارْ؟
٢٠١٢
تعليقات 1