رزنامة دموع

المحرر 30 ديسمبر، 2022

إبراهيم شحرور

حاسس عيوني متل رزنامة دموع
وْكلْ يوم من عمري إلو … دمعَه
لْ كانو سبع تيّام بالأسبوع
صارو سبع دمعات … بالجِمعه
واليوم تا راجع حساباتي
عدّيْت إيّامي ودمعاتي
طلْعو دموعي طابشين شْوَيّ
وْأكتر من الإيّام … بِ تْلاتِه
عرّبْت دمعاتي بِ إيديّي
تا عِدّ دمعي اللي خرِج ينْعَدّ
(دمع الفرح مَنُّو دمِع عن جَدّ )
ورْجعْت عِدّ دْموع عينيّي
مفروض هلّق يطلعو … عالقَدّ

إقرأ أيضاً