لمّن مرق غيم الشتي عالبال
ضبّيت صوتي عن سطوح العيد
قصّبت نايات الغناني سلال
وعفّرت كرمي.. وما بقي عناقيد
لمّن مرق غيم الشتي.. عالبال
وصار الهوا رجّال
شو لفيت عصافير عالقرميد
عصافير أحلامي الما كانو قلال
رجعوا عينيهن بالأرض
ما في معن..تغريد
لمّن مرق غيم الشتي ..عالبال
شعّلت بوجاق الصمت موّال
يابس ع تمّي من زمان بعيد
وربطت عقرب ساعتي بحبال
جايي الشتي
البردات صارو تقال
مديت ع خوابي زماني إيد
وسكبت عمري خْيال
كاس نبيد
غرفة 19
- تتشرف غرفة 19 بدعوتكم إلى ندوة “العشاء الأخير لكارل ماركس”
- قَلَقٍ دَاكِنٍ
- مجلس إدارة مهرجان وجائزة أوسكار المبدعين العرب ولجان التحكيم فيه، تختار الدكتور حسن مدن من البحرين شخصية العام الثقافية والأدبية على المستوى العربي لعام 2023
- آرثر شوبنهاور / من كتاب : تهمة اليأس
- تاريخ الأدب الجاهلي
- من كافكا إلى ماركيز… الموتى يعودون ثانيةً!