ألان جرجورة
صدرك كفوفي لْ بِلبِسُن بالرِّيح
وبيطلعو الصَّابيع عَا قَدُّنْ
بْ دَفِّي فِيُنْ تِمّي وْإدَيّي منيح
برجع محلّن بالدّفا بْ رِدُّنْ
تَ يْدَوِّرُنْ رمل البحر بالصيف
وِيْلَوِّحُنْ حبر الشّمس تِمْشِيح
صدرِك إزا تْزَيْبَقْ: عَ نَفْس الزِّيح
صدرك تْنَينْ، نْ هَزْهَزو: مْراجيح
بيمرجحوني متل ما بدّن
صدرك إلي بْ فصل الشّتي، وبالجرد
وبالصَّيف بِيبَطِّل إلي
وكلما عَ بالي دوق مِنّو بعد
بِيعَلّي بعد
مدري أنا بشوفو عِلِي؟
بِشْحَد عَ بابْ الغَيم نِتْفِةْ رَعِد
شويّة شتي، شوّية برِد
وبمِدّ دَيّي شْويّ
نَكوِز بِ لِغْيوم
تا خَزِّقن، ينزل شويّة مَيّ
مع كَمْشِةْ هْموم
وْشُوفِي إدَيِّي الدَّنَّقُو شوفي
فِكّي زْرَار الصَّيفْ نِتْفِه خْطَيْ
جايي عَ بالي إِلْبُس كْفوفي
غرفة 19
- الوجه الآخر للموت: قراءة سوسيولوجية في الأوضاع الراهنة وتداعياتها على المجتمع
- غرفة 19 تفدم: رواية“ختم خزعل” للكاتبة القطرية د. هدى النعيمي
- “زحل يلتهم ابنه” لوحة أنجزها Francisco Goya عام 1823 صرخة وجودية مكثّفة
- شربل داغر يراجع تاريخ الصورة بين الدين والسياسة
- العرافة، التنجيم، معرفة الغيب والتنبؤ بالمستقبل، أغرب من الخيال وأبعد من التصديق…
- عيد القيامة في إثيوبيا بعيون مسلم سوداني (4)
