رئيس التحرير: إخلاص فرنسيس 
الملتقى
ألان جرجورة
.
بْآخِرْ دقِيقَه مْنِ الْعُمِرْ بِيمِلّ
بال الوقت عَ العمر لِ مْصَدِّي
وْنِتْفِةْ ثَواني مْنِ النَّفَسْ بِتْطُلّ
تَا تهرب… وْبيْضَلْ كَمْ وِحْدِي
بْ يِتْخَانَقُو مِنْ قَبِلْ بَدَّا تْفِلْ
وْمَا تِلْبِسَا الْوِحْدِي…
نْ فَلُّو وْبِقِي مَحْبُوسْ.. ثانِيْتَيْنْ
وِحدِي مِنُنْ عَا طُولْ رَحْ بِتْضَلْ
مَحْبُوسْ عُمْرَا بَيْنْ مَوتْ وْبَيْنْ
آخر نَفَسْ بِيعِلّ
وِتْزَرْوَكُو… وْبَابْ الْعُمِرْ ضَيِّقْ
وِتْحَرَّكُو… وِالصَّوتْ بِيفَيِّقْ
هَزْو إدَيْه وْمِتِلْ بَدُّو يْقُومْ !!!
يشْلَحْ تْيَابِ الْمَوتْ يِتْجَدَّدْ
زَمْطِتْ مِنُنْ وِحْدِي وْبِإِيدَا الصَّوتْ
وْمِتْلِ لْ كَإنّو انْشَقْ بابْ الْمَوتْ…
فَلِّتْ وَرَا اللِّي مِنْ قَبِلْ فَلُّو
فَلِّتْ وْطِفْيتْ رَجِفْتُو، وْضَلُّو
بَيْنِ السَّمَا وِجْهَنَّمْ مْشَرَّدْ..
وْفِي ثانْيه بِقْيِتْ مَعُو
تِحلَمْ وِتِلْبُسْ رَجْعِتَا بْ فِكْرَا:
يَ بْتِخْلَص وْبِتدوبْ بِ البُكْرَا
يَ بْ تُهْرُب مْنِ المَوتْ… وَقْت بْ تِقْشَعُو
ناطِر عَ باب البالْ وِالذِّكْرَا…
