رئيس التحرير: إخلاص فرنسيس 
الملتقى
جرمانوس جرمانوس
وصْلِتْ على حْصان البحرْ بيروت
والسِرجْ : مَيله مَوج ، مَيله بْيوتْ
وبَيروتْ
نِصّا عَ البحرْ طالعْ
ونِصّا معو الجايي وعَم يْطالِعْ
وبَين التنَين مْبَيّن الياقوتْ
من ضحكتا والِعْ
وْبَيروتْ
نجْمة كلّ لِمْكاتيبْ
وبْتشتغِل ع طول بالتقطيبْ
والصَوت إبْره الخَيط مُوسيقا
وْوَرده بْتجي عَ الجرح شاش الطِيبْ
وْزَهره دَوا أحمرْ بِتلْزيقَه
والإيدْ ترْويقَه
ولمّا الشمسْ تمرق عَ المْزاريبْ
وتمشي على حْبوب الندي تا تْشيبْ
بيروتْ
إلها شَطّ تِعْليقه
بِتنشر تيابا من قبل ما تْغيبْ
