الْعَريس الْأَبْيَضْ

المحرر 6 يوليو، 2023 تمت قراءة 1 دقيقة

حبيب يونس

جايي الغَيْم يْوَعِّيا
يْسَيْرِحْ قَطيعو بَيْن قَلْبا وْعينَيا
وْيِرْكَعْ عَ مَدْبَحْ إِجْرَيا
يْصَلّي ويِتْعَمَّدْ بِجِرْن حْفافِيا
وينِخّ تَ ياخُدْ رِضاها
يْبَوِّسا بِإيدَيا
ويفِلّ عَ شِغْلو
وْبَعِدْ عَينو فِيا
“شاتين” وَحْدو الْغَيْم
كِلْ طَلْعِةْ صِبِحْ
عَ روس صابيعو النِّدي
بْيِطْلَعْ مِن الْوِدْيان تَ يِلْفي عْلَيا

18 – 11 – 2020
(من ديوان كلو لضيعتي شاتين، قيد الطَّبع)