رئيس التحرير: إخلاص فرنسيس 
الملتقى
ما تخبطي عالباب وتدقي
فوتي على مهلك
ما في حدا جوّا تيفتحلك
ما تشعلي اللمبة
خلي العتم نايم
فوتي شوي شوي
بتفيئيه خْطَي
ولولا اندهتي
ما حدا بيرد
مكوكع من البرد
ويمكن مطوّل السهرة
وعا حلم شي نطرة
بصورتك تغطّى
وع مخدة الذكرى
من عيد من فترة
نام العشق
عن جد
ما ترفعي الشرشف
نامي متل ما إنت
بيعرف بأنك بنت
من غير ما يشوفك
الحلم ما بيشوف
بيقرا …
بيشم ريحة عطر
باقية من السهرة
وباقية لبكرا ..
حلم نطرة…
