نَاسِ بْبَالِ الْوَقِتْ
لَحْظِةِ لْ إِزْعَلْ مِنِ رْفَاقِي بْشِي نْهَارْ
وَقْتِ اللِّي كِنَّا بَعِدْنَا سْنَابِلِ زْغَارْ
إِفْتَحْ جَرُورِ خْزَانْتِي… وْشُوفُو تِكِي
مَحْبُوسْ هَمُّو بْقِفِلْ… عَ وْرَاقُو قْمَارْ
شُو دَاقْ دَفْتَرْ زِكْرَيَاتِي خْبَارْ
وْشُو صَامْ تِمُّو عَ الْحَكِي.
.
نْسِيتُو مَ بَعْرِفْ كَمْ سِنِي دَفْنِتْ سِنِي
كْبِرْنَا وْسَبَقْنَا الْمَوتْ عَ حْفَافِ الدِّنِي
وْصُدْفِي بِعِلْبِي شَيْبِتَا غَبْرِةِ سْكُوتْ
لْمَحْتُو عَ وِجُّو عَاشْ مِيِّةْ عَنْكَبُوتْ
وْسِنْسِلِةْ ضَهْرُو قَوسْ عَا حَالُو حِنِي
حْمِلْتُو.. وَقَعْ مِنْ خَاطْرِي الْمَفْخُوتْ.
.
وَقْتِ لْ كَسَرْتُو تَ انْفَتَحْ شُو صَارْ؟؟؟!!!
رَمْشِتُ وْرَاقُو مِتِلْ عَينِ مْلَبَّكِي
وْ مَ لْقَيتْ أَيَّ حْرُوفْ تَا إِقْرَا سْرَارْ
بَلَّشِتْ بِعْيُونُو الصُّفُرْ إِقْرَا بِكِي..
عن المؤلف
