خبصة
لم جيت اكتبلِك
خيالك متل لَمح …
ومرق
..ما ضل برْق …وما برَق
حروفي أنا.. سكرو من الفرحه
شفت الألاف (ا) ولابسه طرحة
واليا..(ي) قلبا شو احترق
وتحرّكت ب معدتا القرحه
…وعم يشربو كلّن عرق
وعا قد ما سكرو.. وقع جرحى
والعيد ماشي
… ما فرَق
الكسرة بإيدا حملت البطحة
عربشت عالسين ..
غمرت شين
رقصت معا…
وأكلت مِنا..نَطحة..
وقعت ع ضهرا.. استلقتا الفتحة
وقعو ع بعض..
تشركلو بضمة
وتشيطنو ..بِ قفوة الكلمة
وبِسكون …
غفيو عالورق
زياد عقيقي
عن المؤلف
