غرفة 19

حسن خوندي

لوحة ملونة سبحان يللي راسِما وين الورقة والقلم؟ ومَرسَم الفنان؟ يغسل خيوط الدهب ويحمِّما قوس القدح يطلع ع ورقة سما يصير يغمس ريشتو بعلبة الألوان **************** وين القمر بالنهار مخبّا عن عيون الكل؟

من ضو الشمس بيغار لعبة ولاد زغار ما بيطلع ل حتى تفل **************** وين اخْتفوا النجوم؟

تخبوا ورا الغيوم انْ لِقْيوا القمر ناقص مخسوف أو نايص بْيِضْووا اذا في لزوم *************** ووين الشمس بالليل ؟

بتغيب ورا المسرح تياب الدفا بتشلح بتنزل ع تاني ميل بالبحر ت تسبح ************** وْلِغيوم ؟

بتهرب وبِتُّوه بياخدا الهوا شي شوي تعبّي ع ضهرا ميْ تلعب ب شمس وفَيْ بترسم حكي ووجوه ************ ليش امواتنا راحوا؟

شطّار كانوا كتير نجْحوا على بكير بفحص الحياة الكبير من دروسن ارتاحوا ولْغيرهن زاحوا