رئيس التحرير: إخلاص فرنسيس 
الملتقى
حسن عليّ شرارة
بس تنعسي
نجوم السّما
بيوقّفوا ع تختك نواطير
وبيحطّ بدر اللّيل
عالضوّ قفل كبير
وبيهدهدك جوز الحمام
تا تغفلي بكير
وبتتسابق الأحلام
تهزّهز حفافي هالسّرير
بيسلطن البحر
بيتلغشن بتمّو الهدير
ولمّا تصحصحي
وتفتّحي عيونك
بتنشر خيوطا
هالشّمس إكسير
وبترفرف عصافير
بي هالفضا وبتطير
وبحقولنا فراشات
عم يعملوا مشاوير
تا يبوّسوا كمام الزّهر
ويفوّح بعطرو العبير
ومن فرحتي بِـ طلّتك
دغشه الصّبح بكّير
بوقف ع راس الشّير
وبصرخ بأعلى الصّوت
بحبّك كتير كتير
